Ascention e Declino del Muro de Berlin

9 Novembre 1989 — Al anniversario de 30 annos ab le cadita del Muro, on repercurre le vicissitudes qui portava al nascentia e al decadimento de un del divisiones politic, economic, social e physic le plus incisive del modernitate.


dictionarios: italiano 🇮🇹français 🇫🇷english 🇬🇧


PRIME PARTE: Antefacto

In le prime horas del 13 Augusto 1961 constructores del Germania Est, flancate per soldatos e policia, initia un impromptu destruction de vias et erection de barrieras a transverso le citate de Berlin e proximitates. Iste nocte marca le principio de un del plus famose lineas divisive del historia, le Muro de Berlin.

Le constructiones pro le muro continua durante tote un decade, taliante in medio de quartieros e vicinitates, separante familias, e dividente in duo non solo Germania, sed etiam symbolicamente le resto del mundo.

Pro comprehender quomodo on arrivava ad iste puncto, il besonia retrospicer al Secunde Guerra Mundial. Statos Unite de America, Grande Britannia, Francia, e Union Sovietic univa le fortias verso le si-nominate Potentias del Axe: Germania, Italia e Jappon. Post haber battite le Germania Nazi, cata uno del vincitores occupava un parte del pais. Le division era intese pro esser temporari, sed il ha nulle de minus stabile quam un situation temporari.

Le ex amicitates se trovava presto in disaccordo super lor visiones del Europa postbellum. Dum le potentias Occidental promoveva economias de mercato liberal, le Union Sovietic desirava cinger se de obediente nationes communiste, incluse un Germania debilitate.

Pois que lor relationes se deteriorava, le Republica Federal de Germania (RFG) era formate in le parte plus occidental del pais, dum le Union Sovietic stabiliva le Republica Democratic German (RDG) in le parte plus oriental. Le paises satellite sovietic restringeva mercantia e movimento del Occidente, dunque se veniva a formar un limite virtualmente impassabile, qui ha devenite note como: Le Cortina de Ferro.

In le ex capital de Berlin, le cosas eran particularmente complexe. Etsi le citate se trovava tote in le territorio de Germania Est, le RDG, le accordo post-bellic dava al potestates alliate un administration conjuncte. Ergo Statos Unite, Grande Britannia, e Francia creava un inclave liberal in le districtos occidental del citate.

Al germanes del Est era officialmente prohibite lassar le pais, sed a Berlin il era simplemente un question de camminar, o prender un traino, un tram, o un bus usque al parte occidental, e depost viagiar per via aeree al resto del Germania Federal et ultra. Iste frontiera aperte poneva un problema pro le governamento Est-german. Illos voleva representar le resistentia communista contra Hitler, et effigiava le Germania West como un continuation del regime nazi.

Dum le Statos Unite e lor alliates infundeva pecunia in le reconstruction del Germania West, le Union Sovietic extraheva resursas del Est ut reparationes de guerra, rendente su economia planificate ancora minus competitive.

Le vita in le RDG passava sub le oculo vigile del Stasi (Staatssicherheitsdienst), le servicio de policia secrete national qui possedeva un vaste rete de microphonos, spias, e informatores a monitorar le cives pro ulle indicio de dislealitate. Anque si le Est possedeva servicios de sanitate et education gratuite, le West poteva vantar salarios plus alte, un major quantitate de benes pro le consumitor, e plus ample libertates personal. In 1961 circa 3 milliones e medio de personas, quasi le 20% del population del Est, se habeva ite del pais, includente multe juvene professionales. Pro evitar ulterior perditas, Germania Est decide de clauder su confin con le Occidente, e isto es ubi le Muro de Berlin veni a ser presente.

SECUNDE PARTE: Que es le Muro?

Extense per 43km secante Berlin, e per ulterior 112km circumferente lo, le division initial consiste in retes de metallo cum filo de spinas. Alicun Berlineses escappa saltante ultra le filo o passante per fenestras e tectos, sed ut le muro se expande, isto devenira sempre plus difficile. A 1965, 106km de muro de croncreto reinfortiate alte 3 metros es addite, cum supra un formation tubular lisie pro evitar que le personas poterea superar lo.

In le annos sequente, al barriera son adjuncte clavos anticarro, canes de guarda, e minas, plus 302 turres de guarda, e 20 casamattas hypogee. Additionalmente, un rete metallic parallel crea un area large 100m nominate Stria del Morte, ubi omne edification ha essite demolite e le pavimento coperte de arena, pro donar un linea visive clar al centenas de guardas, qui habe ordine de fusilar quicumque provarea passar sin permisso.

Circa 5000 Est-Germanes in total han attingite cum successo le fuga intra 1961 e 1989, le risco de transpassar le confin es alte, indi multe personas morite pro escappar se, alicunos colpate per franc-tiratores, in plen vista del West-germanes in le altere lato sine que illos potesse dar auxilio. Ben que le regime Oriental permitte gradualmente al familias separate de reincontrar se, prova anque discoragiar le exercitio de iste derectos, cum processos burocratic ardue e taxas elevate, ma non obstante toto, il es comocumque submergite per requestas de passo.

Le Muro stabilisava le economia del Germania Oriental impediente al fortia-labor de lassar le pais, sed il habe contaminate su reputation, deveniente un symbolo global de repression.

Non oblida le tyrannia de iste muro… ni le amor pro le libertate qui lo faceva cader.

— Inscription anonyme sur le Muro

TERTIE PARTE: Le declino

A final del annos ‘80, le liberalisation de alie regimes del Bloco Oriental communista provoca manifestationes de dissenso de massa pro requirer libertate de movimento e transparentia democratic. Le vespre del 9 Novembre 1989 le RDG tenta calmar le tension rendente plus facile obtener le permissos de viage. Ma al annunciation de iste notitia, un multitude de Est-berlineses se amassa al passages de confin apud le Muro, fortiante le guardas, impreparate a tante gente, ad aperir le cancellos immediatemente.

Massas de personas festante se reuni a West-Berlin, cum gente de ambe le partes qui dansa super le Muro e alteres qui commencia demolir lo cum omne utensile trovate in loco. Anque si le guardas de frontiera initialmente habeva provate mantener ordine, presto il deveni clar que le annos de division son finite.

Depost quatro decades, Germania era officialmente e finalmente reunificate in Octobre 1990, e le Union Sovietic cadeva pauc tempore postea.

QUARTE PARTE: Conclusion

Un anniversario trentennal non es un parve recurrentia, denota le tempore de un generation. Il vole dicer que le pueres nate post 1989 – depost le cadita del Muro e del regimes autoritari communiste del Bloco Oriental – son le adultos de hodie, et etiam que lor filios cognoscera le mundo del Guerra Frigide solmente trans le recontos del avos. Un altere epocha, in summa. Totevia le Europa moderne, e in qualque maniera le mundo tote, son le producto de ille cambios e del mechanismos qui illos han misse in moto o contribuite ad accelerar.

Como dice Oratio in le prime libro del Odes: scire nefas, on non pote cognoscer lo que le futuro habe in mano pro nos. Hodie, alicun sectiones del Muro de Berlin ancora remane in pede, como memento que quecunque barriera pro impedir le libertate noi pote construer, etiam noi pote destruer.


SEQUE NOS SUR TWITTER O TELEGRAM: @omnelingua

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s