Como un tyranno ascende al poter in un democratia: Le Nazismo

Como poteva un tyranno totalitarista ut Adolf Hitler, qui finiva per orchestrar un del plus massive genocidios del historia, ascender al poter in un pais democratic?

dizionario interlingua – italiano 🇮🇹interlingua – english dictionary 🇬🇧

Secundo Umberto Eco, eminente historiographo e linguista in Europa, le via per le qual iste phenomeno se disveloppa es marcate per pauc punctos clar e commun in tote le societates ubi isto ha evenite; punctos que non tarda a render se evidente sia in le propaganda politic sia in le discurso national in general:

• Culto del traditiones e del radices

• Abuso del pavor del diversos

• Constante stato de menacia pro le nation

• Exaltation del voluntate popular

• Opposition al critica analytic

• Obsession pro conspirationes e culpabiles externe

• Proclamation de un duce que incarnarea le vox populi

• Action ante le ration

• Linguage limitate e repetitive

• Appello a un classe social frustrate

• Repulsion pro le ideas moderne

• Controlo e repression del sexualitate, sovente del femina in particular.

Le societate german percurreva efficientemente iste via malsan, e le historia de su duce, Adolf Hitler, ancora hodie se ostende come exemplo de come un democratia pote disintegrar se facilemente quando omne actor habe su rolo.


Le question trova initio depost le Prime Guerra Mundial, con le successo del avantiamento Alliate in 1918, Germania se rende conto que le victoria es impossibile a obtener, assi que firma un armistitio pro cessar le effortio bellic. Quando le governamento imperial vade verso le collapso, tumultos civil et exoperos del laboratores erumpe in tote le pais. Timente un revolution communista, le partitos principal se face concorde in reprimer le revoltas, constituente un systema parlamentar appellate: le Republica de Weimar.

Un del prime objectivos del nove governamento es le actuation del tractato de pace imponite per le Alleates: ultra a patir le perdita de plus de un decimo de su territorio e le dismantellamento del armea national, Germania deve acceptar le plen responsabilitate del guerra e repagar le damnos, assi majormente debilitante su ja debile economia. Isto es appercipite come un humiliation per multe nationalistas e veteranes del Grande Guerra, qui pensa que Germania poteva vincer le guerra si le armea non era traite per politicos e objectores.


«Le fascismo pote ancora retornar, occultate sub vestes innocente. Nostre deber es dismascar lo.»

~ Il fascismo eterno p.50 – Umberto Eco


Pro un juvene Adolf Hitler iste vision deveni obsession, e su bigoteria e delusiones paranoide le porta a discargar tote le culpas sur le judees, con parolas que sape resonar in un societate ubi es presente un sentimento de antisemitismo. Ad iste puncto del historia centenas de millenas de judees se habeva jam integrate in le mundo german desde seculos, ma multe germanes christian continua sentir los come extranee, e depost le Grande Guerra, le successo judee in le societate portava super illos accusationes infundate de subversion, e lucro sur le guerra.

On non pote repeter assatis que iste theorias conspirative nasceva ab PAVOR, IRA, e BIGOTERIA, NON FACTOS, ma malgrado isto, Hitler trova successo e approvation in le calumnias, e quando se inscribe a un partito nationalista minor, su discursos public manipulatori le lancea al vertice, attrahente in su filas affluentias de gente sempre plus numerose. Su rhetorica profundemente racialiste combina antisemitismo e resentimento del populo, e denuncia sia le communismo sia le capitalismo come conspirationes international hebree, apte a destruer Germania.

Initialmente le partito nationalsocialista non es multo popular, de facto post un fallite tentativa de colpo de stato pro subverter le governamento republican, le partito es declarate for de lege e Hitler incarcerate. Ille sera totevia relaxate post un anno de detention, e commenciara immediatemente le reconstruction del movimento Nazi.

In 1929, le Grande Depression percute le Statos Unite e porta lor bancas a retirar le prestos economic ab Germania, dunque in le tempore de un nocte le agonisante economia german cade definitivemente. Hitler comprende le occasion e se avantagia del ira del gente con le offerer conveniente capras expiatori, e le promissa absolute de un restauration del grandor german passate. Le partitos politic ordinari se demonstra incapace de gerer le crise, e in particular le opposition parlamentari de sinistra es troppo fragmentate per controversias interne, ergo un parte del electorato frustrate se affolla apud le nazis. In sol due annos lor potentia in parlamento cresce effectivemente de minus quam 3% a plus quam 18%.

In 1932 Hitler se candida al presidentia e perde le election in favor del decorate heroe de guerra le General von Hindenburg, ma con le 36% del votos, etsi in minorantia, Hitler resulta demonstrar le amplitude de su consenso popular. Le anno sequente consilieres e magnates del commercio convince le Presidente von Hindenburg nominar Hitler come Cancellere, sperante poter canalisar iste popularitate sue al servicio de lor proprie interesses. Quamquam le Cancellere sia solmente le capite administrative del parlamento, Hitler expandera constantemente le poteres de su carga. Durante que su supportatores forma gruppos paramilitari que combatte physicamente le protestatores per le vias, ille altia in le gente sentimentos de timor pro un revolta communista, e se declara le unico capace de reestablir le ordine in nomine del lege.

Deinde, in 1933, un juvene laborator es condamnate a Berlin pro haber incendiate le Palatio del Parlamento, e Hitler usa iste evenimento pro convincer le governo a conferer le poteres de emergentia. Sed in le spatio de qualque menses arriva subito le abolition del libertate de pressa, le dissolution del altere partitos, e le approvation de leges racial contra le germanes hebree e de altere confessiones religiose o politic, qui practicamente impede a illos conducer un vita normal in lor pais de nascentia, usque a render los apolide, depauperar los de lor proprietates, e, in fin, assassinar los in massa. Plure supportatores radical del nazismo del prime hora son arrestate e misse a morte, insimul a omne alie potential adversario. Quando le Presidente von Hindenburg more in le augusto de 1934, il deveni clar que Germania non habera nove electiones libere, transitante inexpectatemente verso un dictatura totalitari.

Inquietantemente, multe del prime dispositiones de Hitler non han exigite repressiones de massa, su discursos explotava le pavor e le ira del populo pro pulsar lo supportar ille e le partito nationalsocialista. Interdum, intellectuales e interprenditores volente alinear se al opinion public, habevan avalisate le figura del duce del populo e de su grandiositate, quia eran certe e se assecurava le un le altere que su manifestationes aperte de rhetorica plus extreme eran simplemente pro facer se notar per le multitudes.

Decades depost iste eventos, le ascension al poter de personages come Adolf Hitler remane un advertentia de quanto fragile le institutiones democratic pote esser, in fronte a multitudes de gente rabiose et a un capitan qui vole alimentar lor ira e profitar de lor timores.


DIZIONARIO INTERLINGUA – ITALIANO

INTERLINGUA – ENGLISH DICTIONARY


Si voi son interessate ad articulos cultural, seque iste septimanal omne venerdi! Le themas son seligite per le adherentes directemente sur twitter.

Venerdi proxime: SCIENTIA, e a revider vos iste Lunedi, pro discoperir le argumento!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s