Le disobedientia pro le libertate: Jean Moulin


Jean Moulin (jan mulēn) es un heroe del historia europee qui se ha opponite al feroce occupation continental per le totalitarismo nazi.

Iste milite e partisano occitan nasce in 1899 a Béziers (beziē) e deveni prefecto, capite de un departimento francese, a 37 annos. Ma proque Jean Moulin es assi celebre hodie?

In 1940 arriva le guerra etiam in Francia, le partito nationalsocialista controla tote Germania e decide invader Paris. Le Stato francese collabora, e le prefecto Jean Moulin debe obedir al germanes, sed ille vole ante toto proteger le populo qui lo ha liberemente eligite. Un nocte le nazis accusa milites del Republica Francese venite ab colonias african de haber massacrate gente, e vole que Jean les denunciarea. Sed essente isto solo un expediente racista pro incriminar le africanes innocente, Jean decide non mentir e plus tosto tenta le suicidio taliante se le gorga. Miraculosemente ille supervive, e gratias a su cognoscientias politic attinge adir in secreto alie resistentes al occupation militar e ideologic, de facto disobediente al ordines e al leges del nove regime de oppression in su pais.

Le resistentia cela personas in periculo, bloca vias ferrate, stratas, e convios, et occide nazistas damnose al causa de libertate civil.

In Grande Britannia le General exiliate Charles de Gaulle (sharl de gol) annuncia per radio que le Francia Libere existe ancora, il es le Francia del resistentes, e ille es su duce. Ille resulta incontrar Jean Moulin clandestinemente in 1941 e le incarga reunir omne resistente possibile pro organisar le actiones, le pecunia, e le armas pro le liberation.

Jean se face paracaditar de nocte retro in le Continente, e post varie successos a damno del totalitarismo que suffoca le populo, le 21 de junio 1943 ille es signalate per anonymos, e le nazis le prende e le tortura die e nocte pro obtener informationes utile, declarante le finalmente morte le 8 de julio sur le traino Paris-Berlin verso le campos de concentration. Ille non revelara jammais qui son su companios e qual son le planos del resistentia.

Loco de reposo in le Pantheon de Paris

Pro su corage ille ha devenite un heroe e un symbolo europee del ideal de libertate del populo e del individuo, e il es dunque interrate al Pantheon de Paris cum le grande personalitates de su nation, a sempiterne memoria de su gestos hardite, lassante retro se un importante hereditate sur le demanda ethic de que es le disobedientia civil, e como illo pote esser applicate al vita real.

Monumento memorial a Beziers

Seque nos sur Instagram pro major actualisationes quotidian sur themas europee: http://www.instagram.com/omnelingua

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s