Le nove idea de restauration: Notre-Dame

#HeriMaHodie 15 April 2019. Post un anno de su ardimento, le cathedral gothic de Nostre Dama de Paris es ancora illac sin tecto, coperite de plancaturas, interdicte al visitas, vacuate de omne anima. Le inquestas non individuava le ver causas del incendio, forsan un contacto electric, forsan un cigaretta jectate per un operero que laborava sur le tecto.

Qual sera su futuro: moderne o traditional?

Le debatto reprendera quando le emergentia de coronavirus sera passate, e le plancaturas potera esser removite depost haber nettate le nigro lassate per le fumo sur le parietes de petra. Intertanto duo scholas de pensamento contraponite se han formate, sequente le discussion jam active in le mundo artistic europee desde plure annos pro le reconstruction de importante monumentos historic europee como le turre campanari del ecclesia de Saint-Denis in Francia o del Parthenon in Grecia: reconstruir secundo tradition, o construir secundo technicas contemporanee?

Pro Notre-Dame, le prime currente habe in capite Philippe Villeneuve (filīp vilnə̄v), le architecto responsabile del laboros de restauration, e vole recrear le cathedral in maniera le plus fidel possibile a como era ante, cum su tecto lignee octocentesc [dunque jam refacite precedentemente a iste incendio, ndr.].

‹On debe esser incredibilemente caute, haber un infinite respecto e, supertoto, non lassar tracias de nostre passage. Noi debe esser sobrie›.

Philippe Villeneuve

Le secunde currente habe in vice in capite le presidente del republica francese Emmanuel Macron, e vole un restauro plus contemporanee, que apportarea modificas et elementos de modernitate, sur le pista de quid realisate cum le pyramide al ingresso del museo del Louvre. Iste pensamento declara que le passage non poterea unquam esser invisibile in omne caso, e que il crearea comocunque un falso historic, tam il serea melior monstrar le laboro facte que tentar inutilemente celar lo.

Un Paris vacue pro le quarantena.

Pro le momento le parlamento francese concorda con Villeneuve, ma le governo Macron habe diverse margines de intervention pro alterar le projecto e variar materiales e modalitates. Il non es secur qual sera le sorte definitive del opera, quia le epidemia arrestava tote discussion. Le objectivo es completar le restauration intra 2024, anno del Olympiades de Paris.