Hodie un importante figura nel historia de nostre unification nos ha lassate. Valéry Giscard d’Estaing ha site Presidente del Republica francese ab 1974 a ‘81, Membro del Europarlamento ab 1989 a ‘93, e presidente del Convention sur le futuro de Europa que era responsabile de scriber le constitution europee, disgratiosemente abandonate in 2005.
Nate in Germania in 1926 e innegabilemente dotate, il era un convicte sustenitor del union del europees e del multilateralismo international (il ha site responsabile del creation del G7) e ha laborate pro Europa nel curso de su carriera in stricte collaboration cum le Chancellero de Germania Occidental: Helmut Schmidt. Il stipulava cum ille le systema monetari europee, le prime passo verso lo que haberea pois devenite nostre moneta commun. Le affinitate inter Valéry Giscard d’Estaing e Helmut Schmidt era tal que le termino « amicitate francogerman » era create, e remane ancora hodie in uso pro referer se al relationes inter Francia e Germania.
Il operava in un nove impeto politic pro le institutiones europee, e on debe a ille le installation del Concilio Europee, que post deveniva regular, como anque le election del Europarlamento per suffragio universal directe. Quamquam initialmente ille habeva expresse reservation re le idea de un Europa federal, il non cessava unquam defender le idea de ampliar le ligamines inter europees a continuitate del ideales de Jean Monet, ma plus tarde advocava in favor de un federation inter 12 statos de Europa.
Valéry Giscard d’Estaing ha site un presidente reformista e progressista, e ha agite al longe de tote su vita pro render nostre Europa sempre plus unite e continuemente prospicente ad avantiar verso su destino manifeste federal.
« Au revoir! » como ille diceva al final de su presidentia.
• ΘMNЄ • 