Pro le representation del die international del femina 2021 noi habe seligite un artista europee feminista qui compone poemas, e accosta lor versos a bellissime illustrationes de character classic, que nos dona un sapor hellenic: Danica.gim.
« Mi style es profundemente inspirate per influentias europee, le continente ubi io ha crescite. Io senti amor pro le mithologia, toto lo que es soniante, le luna, e facer sentir al personas que illes trovava un pauco de magia tra le formas feminin. » declara illa de se ipse, e conclude dicente: « Io spera que mi stampas vos inspira, vos face pensar in le stellas e sentir un pauco minus sol in iste grande mundo. »
Le 8 de martio como die del femina nasce pro favorir un reflexion sur le condition passate e presente del femina, e pro discuter como render su futuro plus belle in un societate equalitari, non solo theoreticamente. Il es dunque fundamental prender le occasion pro signalar que le femina ha site particularmente colpate per le pandemia de coronavirus a nivello economic e social. Hoc obstende un large discrepantia inter occupation, salario, e rolos social masculin e feminin, saepissime includente evidente differentias in le typo de carriera e in le deberes genitorial expectate per le societate.
Non obstante le inequalitates de genere son ancora multe, influentiante durmente le san disveloppamento de un parte enorme del societate, il es anque ben celebrar le grande melioration del condition feminin attingite in Europa in le ultime duo seculos. Super toto le projecto de integration paneuropee ha innegabilemente rendite le vita del femina in Europa inter le meliores in le mundo, desde le periodo postbellic ad hodie.
Sur le pagina instagram @omnelingua son publicate plus illustrationes e historias!
• ΘMNЄ • 