Qui era le prime femina a obtener un cathedra al universitate Sorbona de Paris, e le prime a devenir laureate al Nobel in le historia?
Si voi volesse intervider le manuscriptos de Marie Curie, voi deberea vestir materiales protective contra le contamination de radiationes.Anque le restos del corpore del Professor Curie son interrate in un sarcophago sigillate a plumbo, pro tener sub stricte controlo le radiationes que eran le corde de su recerca, e probabilemente le causa de su morte. Su labor infaticabile e su vita incredibile cambiava pro sempre le historia del physica, del chimia, e del scientia in general.
Nate e crescite a Varsovia, in le Regno de Polonia occupate per le Imperio Russe, le juvene Maria Skłodowska es un studente brillante, sed illa se confronta con alte muros social. Essente un femina, a illa es prohibite obtener le education superior; quod, in un acto de defiantia, illa se inscribe al Universitate Fluctuante, un institution secrete que apporta un education clandestin al juventute polonese.
Cum le tempore, laborante come governante e tutor, illa resulta sparniar assatis pecunia pro transferer se a Paris, e frequentar le celebre universitate Sorbona. Hic, supervivente principalmente de pan e the, e occasionalmente perdente cognoscentia pro le fame, illa obtene due diplomas de laurea: in physica, e in mathematica. Atque a Paris Maria incontra le physico Pierre Curie, qui condividera su laboratorio, e su corde, con illa. Le copula se sposara intra breve, e devenira un formidabile esquadra scientific.
In 1896, le physico Henri Becquerel discoperi que le uranium emitte spontaneemente un typo de radiation, simile al radios-X, capace de interagir con le placas photographic, e su labor attrahe immediatemente le interesse del recercator polonese naturalisate francese, Marie Curie.
Pauc tempore depost, Marie Curie se rende conto que anque le elemento thorium emitte radiationes similar, sed ante toto, que le fortia del radiationes depende solmente ab le quantitate del elemento, e non es influentiate per alterationes chimic o physic. Isto la porta a concluder que le phenomeno del radiation proveni de alique fundamental al interior del atomos de omne elemento. Le idea es radical e adjuta confutar le persistente modelo del atomo come particula indivisibile.
In 1898, concentrate se sur un mineral radioactive vocate uraninite (o piceblenda), le copula Curie realisa que non pote esser le uranium le sol emissor de tote le radiationes, assi recerca e discoperi due nove elementos del tabula periodic: polonium, nominate pro le pais natal de Marie, e radium, le version latin de radio, etiam cunenante le termine “radioactivitate”.
Al initio del seculo XX, le conjuges Curie extrahe ⅒ de grammo de pur sal chloruro de radio, ab nonnullo millenas de kilos de piceblenda, un incredibile opera in lor epoca. Plus tarde Pierre Curie e Henri Becquerel son nominate pro le Premio Nobel in physica, ma Marie non es considerate poisque femina. Pierre alora prende un position adamantin in supporto del sposa pro obtener su recognoscentia plus que meritate, assi ambe le Curie, e Becquerel, comparti le Premio Nobel in Physica del 1903, facente de Marie Curie le prime laureata al Nobel in le historia.
Con optime fundos e grande respecto del societate, le Curie son lanceate in un splendente percurso de recercas. Sed in 1906 un tragedia los percute gravemente, quando un carrossa a cavallos collide con Pierre dum ille transiva un crucevia, e le occide. Marie, devastate, se immerge in le recerca e prende le position academic de su sposo al Sorbona, deveniente le prime professor femina del historic institution universitari, e in 1971 un facultate hodie facente parte del Sorbona, sera nominate “Universitate Pierre e Marie Curie”.
Le radium poterea esser multo periculose in manos criminal. Es il vermente juste excavar assi profundemente in le secretos del natura? Le question debe esser hic sublevate si iste cognoscentia juvara al genere human, o si il sera damnose.
— Professor Pierre Curie
Su intense labor solitari se revela fructifere, e in 1911 illa vince ancora un altere Nobel, in chimia iste vice, pro le discoperta ante tempore de radium e polonium, e le extraction de pur radium con anylisi de su composition. Iste premio la rende le prime, e ad hodie le unic persona, a vincer due Nobel in due scientias differente: in physica e in chimia.
Le Professor Curie pone alora su discopertas sur le plan real, cambiante profundamente le panorama del recerca e del tractamentos medic. Durante le Grande Guerra institue unitates mobile de radiologia, e conduce investigationes re le effectos del radiation sur le tumor. Quamquam, disgratiosemente, iste beneficios pro le humanitate non eran gratuite, demandante in loco un alte costo personal. Marie Curie mori in 1934 de un morbo al medulla ossee que provoca le anemia plastic, multo probabilemente causate per su prolongate exposition al radiationes.
Le recercas revolutionari de Marie Curie, supernominate le fata del radium, poneva le fundamento pro nostre intendimento moderne del physica e del chimia, con radices que preste attingeva oncologia, technologia, medicina, e physica nuclear, pro nominar alicun. In le ben o in le mal, su discopertas in le campo del radiation flagrava un nove era, disvelante le mysterios de alicun del plus grande secretos del scientia.
dizionario interlingua – italiano 🇮🇹
interlingua – english dictionary 🇬🇧
Gratias pro le tempore dedicate a leger OMNЄ·LINGUΛ!
• ΘMNЄ • 