Post su tertie e ultime referendum de independentia.
Nove Caledonia 🇳🇨 (#Kanaky in le linguas local) es un del Paises e Territorios de Ultramar del Union Europee, un collectivitate sui generis de Francia in le Oceano Pacific inter Australia e Nove Zelanda/Aotearoa.
Meraviliose archipelago tropical e destination de vacantias de multe cives europee (qui pote volar ibi sin visa), Nove Caledonia es etiam le centro de un forte fermentation independentista.
In le seculo XX il era theatro de violente collisiones inter gentes native e stato central que portava al Accordo de Numea, tractato de decolonisation ubi on clarifica le entitate national kanak intra le Republica francese, e le voluntate per ambe partes a organisar un maximo de 3 plebiscitos pro un stato kanak soveran.
Anque iste ultime consultation popular ha resultate in le victoria del NO, sed in medio de un tempesta diplomatic:
de facto 96% del votantes exprimeva legalmente un voto negative, ma con abstinentia in massa del independentistas in protesta verso le parlamento in #Paris, que le septimana passate decideva refusar un postposition del plebiscito.
Le independentistas criticava le impossibilitate a un juste campania referendari, a causa del epidemia coronaviral que ha colpate gravemente le communitates native, e inde declarava non voler plus dialogar con iste governamento usque le electiones presidential de 2022.
« Francia es plus belle hodie que Nove Caledonia permane in le Republica. » eloquiva le presidente #Macron, qui in su oration public ha opinate positivemente le resultato e se ha dicte in favor de renovate relationes amical con le gentes kanak, circa 41% del population neocaledone.
A notar anque que Caledonia ha un base militar e le plus vaste reserva de nickel del mundo, et Europa time lassar su enorme spatio economic a Sina, que se ha monstrate plure vices interessate ad accordos commercial e infrastructural simile a illos firmate con le paises african.
Dunque, Francia ostende un inusual flexibilitate al option de rediger nove tractatos pro passar al €uro e pro major autonomia local, que non comprenderea le independentia e diminuerea le periculo de eventual trappas de debita sinese in iste parve pais pacific.
Seque nos sur instagram: @omnelingua
• ΘMNЄ • 