Festa del Laboratores: proque le 1ᵉ de maio?

Le Festa del Laboratores in le prime die de maio es un recurrentia celebrate in le major parte del paises del mundo, e il es considerate un symbulo del avantiamento social del conditiones de vita moderne de tote le laboratores.

Proque?

Le historia del die international del laboratores initia post le prime revolution industrial britannic, quando in 1855 in Australia nasce le syndicatos pro ameliorar le extenuante die laborative del opereros disfructate. Lor condition es miserabile, on labora usque a 14 horas al die, 6 dies al septimana, sin securitates e sin limites de etate, usante multo le laboro minoril. Illos advoca le reduction del laboro massacrante pro tote le laboratores del mundo cum un famose formula:

8 horas de laboro

8 horas de diversion

8 horas de somno

Iste idea se propaga velocemente per le globo, supertoto in le mundo occidental, e a Geneva in 1866, durante le prime incontro international socialista, le delegates del organisationes del laboratores propone de fixar a octo horas le limite legal del activitate laborative.

Actuar iste typo de reforma que reduce le ganio del fabricas non es facile. Le dur vita non es plus sustenibile, e in le prime de maio 1886, in un normal saturdie de laboro in le Statos Unite, 12’000 fabricas se arresta contemporaneemente pro le plus grande exopero nunquam organisate, ubi 400’000 opereros crucia lor brachios demandante le die laborative de octo horas.

Per pression del patrones industrial le governo initia le repression del turbas, e le situation fuge velocemente de mano, particularmente a Chicago, ubi le policia incipe tirar a foco sur le 80’000 manifestantes, colpante indistinctemente le opereros, le feminas, et anque alie agentes de policia. Dunque il ha tres dies de rebellion popular, cum un attentato bomba que occide un policiero, a quem seque major repressiones, purgas, devastation del sedes syndical, et executiones del exponentes anarchic. Tam le sedation succede.

Il quarto stato – Giuseppe Pellizza da Volpedo, 1901.

Ma le evenimentos non son oblidate per le laboratores statounitese, qui passa le parola del violente repression del fermentation pro le derectos del laboratores in tote America e pois usque a Europa.

In le secunde International socialista, in 1889 a Paris, cento annos post le Revolution Francese, le mundo operari propone un grande manifestation in tote le paises e in tote le citates, que sera indicite le mesme die del repressiones american, pro demandar que le die laborative de octo horas sia fixate per lege.

Assi nasce le die international del laboratores, on celebra le prime de maio pro memorar qui ha morite e sufferite in iste luctas. Coincidente cum le periodo de festas primaveral antique roman, ancora hodie on mangia caseo de ove e favas al aere aperte, on face concertos musical in le parcos, e on passa insimul un die de diversion del vita quotidian.

Le derectos non veni sol. Le derectos son a conquirer. Insimul.

Bon prime de maio!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s