Qui inventava le calcio?

Football es un parola anglese composte per foot = le pede, e ball = le balla. Son alora le angleses qui ha inventate iste ludo? Si e no.


In le antiquitate jam le greces, le romanes, le chineses e le mesoamericanes participava a varie ludos spheristic como le ἐπίσκυρος (𝑒𝑝𝑖́𝑠𝑘𝑦𝑟𝑜𝑠), le harpastum, le 蹴鞠 (𝑡𝑠𝑢 𝑡𝑐ℎ𝑢), e le tlachtli (𝑡𝑙𝑎𝑡𝑐ℎ-𝑡𝑙𝑖), plus o minus similar a ballamano, rugby, ballavola, o ballacorbe.

Damas oriental joca a tsutchü.

Ma le ancestre moderne del calcio europee es probabilemente le soule (𝑠𝑢𝑙), jocate per ambe le ripas del Canal del Manica in tempores medieval. Le numero de jocatores e le regulamento cambiava in omne village, anque le manos poteva esser usate, atque le joco era violente e tote le colpos era permisse, mesmo calcar le tibias. Desde le medioevo iste primitive version del calcio deveni sempre plus popular, super toto in Angleterra. Totevia su violentia generava saepe luctas e ferites, assi que il era regularmente prohibite per le autoritares britannic.

Illustration satyric del calcio medioeval.

Durante le Renascentia, nel seculo XVI, in Italia on habeva create un variante del ludo, cum equipas de colores differente e regulas ben precisate: le Calcio (del latino: calx, calcis — 𝐿𝑒 𝑐𝑎𝑙𝑐𝑒), ancora hodie jocate in Tuscania sub le nomine de Calcio Historic Florentin.

Il es finalmente gratias al collegios universitari britannic que in 1848, durante le grande motos social europee del Primavera del Populos, un regulamento commun es decidite e scripte, ponente le bases del calcio contemporanee. Postea in 1863 alicun alumnos del Collegio de Cambridge (𝑈𝑛𝑖𝑣𝑒𝑟𝑠𝑖𝑡𝑎𝑠 𝐶𝑎𝑛𝑡𝑎𝑏𝑟𝑖𝑔𝑖𝑒𝑛𝑠𝑖𝑠) funda le Association del Football, que defini in maniera inequivocabile tote le regulas que tote le equipas debe respectar pro participar al joco.

Partita de calcio florentin.

Le partita que oppone London a Sheffield in 1866 marca in vice le dimension e le peso del balla, atque le duration de 90 minutas como fructo de un accordo.

Desde alora le popularitate del calcio, etiam pro su simplicitate e costos exigue, ha conquerite tote le continentes e permeate tote le societates in su variante, facente de illo le deporte le plus practicate, e de su Cuppa del Mundo le manifestation deportive le plus sequite in absoluto nel globo.

Ultime Campionato Mundial, Russia 2018, cum Francia victoriose.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s